Skáldsagan Höfrungshlaup (Les forceurs de blocus) eftir Jules Verne kom fyrst út á bók árið 1871. Er þetta stutt saga, eiginlega nóvella. Er þetta spennandi ævintýrasaga þar sem höfundurinn reynir að koma lesandanum á óvart með spennandi atburðum og alls kyns ótrúlegum nýjungum. Var Verne einmitt mjög uppfinningasamur í ritum sínum og gerði sér far um að endurspegla allt það nýjasta í tækni og vísindum sinnar samtíðar, þannig að fólki fannst það fræðast jafn mikið við lesturinn eins og það skemmti sér yfir ævintýralegri atburðarás.

Jules Verne var um miðja 19. öld einn fremsti rithöfundur Frakka og alls heimsins. Ásamt með enska höfundinum H.G. Wells er hann talinn upphafsmaður vísindaskáldsögunnar eins og við þekkjum hana í dag. Þó svo að sögur Vernes séu nú einkum lesnar af börnum og unglingum voru þær upphaflega skrifaðar fyrir mun stærri lesendahóp, og náðu jafnt til allra aldurshópa.